Киин библиотека уонна "Таатта" хаһыат редакцията "2014 сыл бастыҥ кинигэтэ" улуустааҕы куонкурсу биллэрэллэр. үгэс буолбут тэрээһин быйыл сэттис төгүлүн ыытыллар.
Сыала-соруга:
- саҥа кинигэлэри пропагандалааһын;
- айар талааннары көҕүлээһин, кинилэр суруйар дьоҕурдарын сайыннарыы;
- бэчээт хаачыстыбатын тупсарыы.
Куонкурска кытталлар: 2014 сылга тахсыбыт тематыттан, ханна бэчээттэммититтэн тутулуга суох олохтоох автордар кинигэлэрэ.
Түмүгү таһаарыыга учуоттанар:
- суруйуу уус-уран маастарыстыбата;
- полиграфическай хаачыстыба;
- библиографическай ирдэбили тутуһуу.
Кыттааччылар бу дьыл ыам ыйын 22 күнүгэр диэри киин библиотекаҕа кинигэлэргитин тиксэрэргитигэр ыҥырабыт. Киирбит кинигэлэр быыстапкаҕа туруохтара.
Куонкурс кыайыылааҕар "2014 сыл бастыҥ кинигэтэ" Диплом, өйдөбүнньүк бэлэх туттарыллар, ону сэргэ номинацияларынан сертификаттар, анал бириистэр олохтоноллор.
Биһиги аадырыспыт: Ытык Күөл, Софронов уул. 9, киин библиотека, тел. 41-954.
Тэрийэр бөлөх.
