2016-2017 үөрэх дьылыгар Таатта улууһун оскуолаларыгар 2629 үөрэнээччи үөрэнэ киириэхтэрэ. Уопсайа 17 уопсай орто үөрэхтээһин оскуолалара, үөрэнээччилэргэ аналлаах 7 эбии үөрэхтээһин тэрилтэлэрэ саҥа үөрэх дьылыгар толору бэлэмнээх үөрэнээччилэри көрсөллөр. Бастакы кылааска 279, тохсус кылааска 237, уон биирис кылааска 218 үөрэнээччи киириэхтэрэ.
2016 сылга 202 үөрэнээччи оскуоланы бүтэрбиттэриттэн 179-ра 88,61% үрдүк уонна орто үөрэх кыһаларыгар киирдилэр. Россия киин ВУЗ-тарыгар 12 оҕо 5,94%, Саха Республикатын ВУЗ-тарыгар 60 оҕо 29,70%, Саха сирин тас өттүгэр орто анал үөрэхтэргэ 3 оҕо 1,49%, республика иһинээҕи орто үөрэх кыһаларыгар 104 оҕо 51,49% киирдилэр. Кытай Народнай Республикатын үрдүк үөрэҕин кыһаларыгар А.Е. Мординов аатынан лицейтэн уонна Уус-Таатта орто оскуолатыттан икки оҕо киирэн үөрэнэ бардылар. үөрэххэ киирэ илик оҕолортон сорохторо түмүктэри кэтэһэ сылдьаллар, сорохторо үлэлээн эрэллэр, атыттар Россия Армиятын байыаннай чаастарыгар сулууспалыы барарга бэлэмнэнэллэр.
Бэйэбит инф.
