Ытыктабыллаах ааҕааччыларбыт!
Үүммүт сыл олох сокуонунан уларытыылары киллэрэрэ биллэр. Бүгүҥҥү нүөмэргэ барыбытын долгутар кыһалҕаҕа Саха Республикатын сыанаҕа политикатын Государственнай комитетын Председателэ Антонина ВИНОКУРОВА санаатын билиһиннэрэбит.
- Антонина Борисовна, 2016 сылга сыана политикатыгар туох уларыйыылар киирээри туралларый?
- Биһиги Республикабыт Бaһылыга Е.А.Борисов 2016 сыллааҕы Анал этиитигэр тарифнай политикаҕа улахан уларыйыылар киирэллэрин туһунан этэн турар. Ол курдук, уларыйыы үс хайысханан барара быһаарылынна. Уот тарифтарыгар хардарыта субсидиялааһыны суох оҥоруу, уһун болдьохтоох тарифтарга көһүү уонна ититии тарифтарын хас биирдии нэһилиэктэринэн бигэргэтии. Ол гынан баран бу уларыйыылар суруннээн тэрилтэлэргэ, предпринимателлэргэ уонна олохтоох бэйэни салайыныы органнарыгар туоһуланаллар. Уонна киирэр болдьохторо - от ыйын 1 күнэ.
- Ити уларыйыылар тустарынан сиһилии сэһэргэһиэххэ эрэ. Чуолаан туох уларыйыай уонна туох түмүккэ тириэрдиэй?
- Бастатан туран, ааспыт сыл бүтүүтэ дойду Президенэ В.В.Путин Саха сиригэр уот тарифтарыгар баар хардарыта субсидиялааһыны суох оҥорор туһунан анал сорудахтара тахсан тураллар.
- Ити хардарыта субсидиялаһын диэн уопсайынан туох туһунан этиллэрий?
- Биһиги дойдубут хотугу нэһилиэктэрэ уоту дизельнай станциялартан ылан олороллор. Бу бэйэҕэ турар сыаната олус ыарахан. Маны таһынан биһиэхэ арҕаа чэпчэки сыаналаах уунан барар станциялаахпыт, Дьокуускайга гааһынан барар станциялаахпыт уонна соҕуруу Алдан уонна Нерюнгри оройуоннарыгар анаан оптовай рыноктан уоту атыылаһабыт. Дьэ ити ороссуоттарбытын барытын холбуу тутан «котловой тариф» диэн уопсай ортотунан биир тарибы быһабыт.
Ити түмгэр дизельнай станциялар ороскуоттарын сүрүннээн биһиги улахн ромышленнай тэрилтэлэрбит сүгэн олороллор. Ол иһин....
- Туох ордуктааҕый ити yhyнболдьохтоох тарифтарга көһүү?
- Бу болдьох иһигэр тэрилтэлэрбит бэйэлэрин ороскуоттарын бигэргэммит тариф иһигэр кэмчилиир көдьүүстэнэллэр. Сыл аайы корректировка oҥohyллуo. Бу корректировкаҕ тэрилтэ үлэтиттэн тутулуга суох тас дьайыылары эрэ көн көннөрөн биэриэхтээхпит. Ол курдук, оттук сыаната уларыйдаҕына, өҥөнөн туһанааччылар ахсааннара аҕыйаатаҕына, нолуоктар эҥин уларыйдахтарына, о.д.а. Атына барыта уопсай инфляция эрэ иһинэн уларыйбакка хаалыахтаах…
Кэпсээтэ А.ПОСЕЛЬСКАЯ.
