Бу күннэргэ Уолба нэhилиэгэр өтөрөүнэн умнуллубат үөрүүлээх түгэн буолан ааста. Ол курдук "Уолба" кооперативка туох баар аныгы кэм ирдэбилигэр толору эппиэттиир 220 сүөhү турар комплекса тутуллан үлэҕэ киириитин үөрүүлээх түгэнэ буолан ааста. Бу үөрүүгэ ыраахтан-чугастан үгүс киhи тоҕуоруста.
Биhиги хотон аhыллыан иннинэ "Уолба" кооператив салайааччыта Н.Н.Соломоновы көрсөн, тутуу туhунан кэпсииригэр көрдөстүбүт:
- Хотон бастакы уочарата, котельнайа, подстанцията өссө И.И.Слепцов министирдии олордоҕуна 2012 с. тутуллубута. Ол корпуhу "Полюс холода" ХЭО туппута. Оттон быйыл иккис уочарат тутуллан үлэҕэ киирэн эрэр. Бу тутууну министр А.Е.Артемьев туттарда, А.Г.Васильев салайааччылаах "Туймаада" YAHX салалтатынан, хонтуруолунан тутулунна. Манна төрүүр ынахтар уонна ыччат сүөhү турар. Бэдэрээтчит-А.А.Копырин салайааччылаах "СК-Союз" ХЭО. Хотон тутуллар сиригэр буор, кумах кутуутугар И.И.Бочонин салайааччылаах "Тааттаавтодор" АО, уотун-күөhүн тардыытыгар И.И.Сейдалов салайааччылаах РЭС коллективтара күүс-көмө буоллулар...
Н.ИОВЛЕВ.
