Ааспыт нэдиэлэҕэ улууска СР Государственнай мунньаҕын (Ил Түмэн) доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин көһө сылдьар мунньаҕа ыытылынна. Мунньахха Ил Түмэн депутаттара: Ил Түмэн бэрэссэдээтэлин солбуйааччы О.В.Балабкина, туһааннаах кэмитиэт бэрэссэдээтэлэ А.И.Корякин, кини солбуйааччыта Ж.Э.Егорова, кэмитиэт чилиэннэрэ А.Н.Атласова, Ю.М.Николаев, тыа сиригэр уонна аграрнай политикаҕа сис кэмитиэт бэрэссэдээтэлэ Д.В.Саввин, дьиэ кэргэн, оҕо, ыччат, физкультура уонна спорт дьыалаларыгар сис кэмитиэт бэрэссэдээтэлэ Ю.П.Баишев олохтоох салайыныы боппуруостарыгар сис кэмитиэт бэрэссэдээтэлэ В.А.Местников, П.Р.Аммосов, А.А.Филиппов, И.М.Андросов, доруобуйа харыстабылын министрэ М.Е.Охлопков салалтатынан туһааннаах министерство, СР булгуччулаах медицинскэй страховка территориальнай фондун үлэһиттэрэ, биһиги улууспут эмчиттэрин сэргэ Амма, Чурапчы, Уус Алдан, Мэҥэ Хаҥалас улуустарын эмчиттэрэ, Ил Түмэн аппаратын специалистара кыттыыны ыллылар.
Сис кэмитиэт көһө сылдьар мунньаҕар «СР илин эҥэр зонатыгар доруобуйа харыстабылын сайдыытын кэскилин туһунан» боппуруос көрүлүннэ. Мунньаҕы сис кэмитиэт бэрэссэдээтэлэ А.И.Корякин салайан ыытта. Кини илин эҥэр улуустарга доруобуйа харыстабылыгар үгүс кыһалҕа баарын, балыыһалар материальнай-техническэй базалара эргэрбитин, медицинскэй өҥөнү оҥоруу хаачыстыбатын тупсарыы соруга турарын, РФ «Нэһилиэнньэ доруобуйатын харыстааһын туһунан» сокуонунан салайтаран былааннаах, кэскиллээх үлэ барыахтааҕын бэлиэтээтэ. Ил Түмэн бэрэссэдээтэлин солбуйааччы О.В.Балабкина мустубут дьоҥҥо туһаайан, доруобуйа харыстабылын эйгэтин, РФ доруобуйа харыстабылыгар министрин бирикээһин олоххо киллэрии сүрүн соруктарыгар тохтоото.
Кини кэнниттэн биһиги улууспут баһылыга М.М.Соров улуус социальнай-экономическай сайдыытын, олоҕун-дьаһаҕын туһунан иһитиннэрии оҥордо.
Сис кэмитиэт мунньаҕар сүрүн иһитиннэриини доруобуйа харыстабылын министрэ М.Е.Охлопков оҥордо. Кини республика илин эҥэр улуустарыгар 105346 киһи олорорун, эмтиир үлэ үс таһымынан ыытылларын, сүрүн болҕомто эмтээһин хаачыстыбатыгар ууруллуохтааҕын, «Земскэй доктор» программа көмөтө улаханын бэлиэтээн туран, улуустарга балыыһалар материальнай-техническэй базаларын бөҕөргөтүүгэ туох үлэ ыытыллыахтааҕын билиһиннэрдэ. Онно этиллибитинэн биһиги улууспутугар таас балыыһа үһүс этээһин, поликлиника, Чөркөөхтөөҕү тубсанаторий тутуулара сүрүн сорук быһыытынан тураллар. Оттон булгуччулаах медицинскэй страховка территориальнай фондун директорын бастакы солбуйааччы А.Р.Ермолаев фонда ыытар үлэтин билиһиннэрдэ. Кини улуустар балыыһалара эмчиттэринэн, быраастарынан хааччыллыылара ситэтэ суоҕун, эмтээһиҥҥэ федеральнай нормативынан биир киһиэхэ 58 тыһ. солк. көрүллэрин, ол суума республикаҕа 50 тыһ. солк. толоруллан олорорун, манна республикаттан утары үбүлээһин баар буолуохтааҕын, ол ситэ бэриллибэтин туһунан эттэ.
Итинтэн салгыы улуустар кылаабынай быраастара С.В.Кононова (Таатта), Н.П.Тихонов (Амма), А.А.Павлов (Мэҥэ Хаҥалас), А.И.Коркин (Чурапчы), В.В.Богдашин (Уус Алдан) иһитиннэрии оҥордулар. Биһиги улууспут кылаабынай бырааһа С.В.Кононова этиититтэн билиһиннэрэр буоллахха улууска өлүү 13, үлэлиир саастаах дьон өлүүтэ 34 бырыһыан намтаабытын, сүнньүнэн хаан эргиирин ыарыыларыттан, онкологияттан өлүү элбэҕин, киин балыыһа салалтата улуус салалтатын кытта 2018 сылга диэри улууска өлүүнү аччатыыга туһаайыллыбыт программа ылынан үлэлээбиттэрэ көдьүүстээх буолбутун, балыыһалар эмчиттэринэн хааччыллан олороллорун, орто медицинскэй кадрдарынан хааччыллыыга проблемалар баалларын, эдэр специалистарга олорор дьиэ кыһалҕата баарын, таас балыыһа үһүс этээһин, поликлиника бырайыактара оҥоһуллубуттарын, Уолбаҕа государство чааһынайдыын кыттыһан, ФАП дьиэтин тутуохтаахтарын туһунан эттэ. Уопсайынан, улуустар кылаабынай быраастара орто медицинскэй үлэһиттэр, ордук биэлсэрдэр тиийбэттэрин, тымыр ыарыыларын сэргэ, онкологическай ыарыылартан, тастан дьайыы содулуттан өлүү элбэҕин бэлиэтээтилэр. Мэҥэ Хаҥалас кылаабынай бырааһа А.А.Павлов улууска сүрэх-тымыр, травматология ыарыыларын эмтиир улуустар икки ардыларынааҕы кииннэр, төрүүр дьиэ аһыллыбыттара көдьүүстээх буолбутун иһитиннэрдэ.
Иһитиннэриилэр сүнньүлэринэн Ил Түмэн депутата В.А.Местников тоҕо кесарево ньыматынан төрөтүү элбээбитин уонна эндопротезирование уочаратын аччатыыга туох үлэ барарын ыйыталаста. Маныаха министр кесарево ньыматынан төрөтүү дьахталлар доруобуйаларын туругун кытта быһаччы сибээстээҕин, билигин мөлтөх доруобуйалаах дьахтар наһаа элбээбитин, эндопротезирование уочаратын аччатар туһуттан травматология кииннэрэ аһыллалларын, Майаҕа илин эҥэр улуустары хааччыйар киин үлэлиирин чуолкайдаата.
Депутат Ю.М.Николаев улуустарга онколог быраастар тиийбэттэрин, ол түмүгэр ыарыы хойутаан булуллар буолан өлүү элбэҕин, оҕолор тыынар органнарынан ыалдьаллара элбэҕин, сыл аайы тыа сиригэр специалистарга анаан олорор дьиэ тутуутугар 500 мөл. солк. көрүллэрин, тыаҕа үлэлии тиийэр эмчиттэри олорор дьиэнэн хааччыйыы боппуруоһунан олохтоох дьаһалталар дьарыктаныахтаахтарын туһунан эттэ. Ааспыт нэдиэлэҕэ улууска СР Государственнай мунньаҕын (Ил Түмэн) доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин көһө сылдьар мунньаҕа ыытылынна. Мунньахха Ил Түмэн депутаттара: Ил Түмэн бэрэссэдээтэлин солбуйааччы О.В.Балабкина, туһааннаах кэмитиэт бэрэссэдээтэлэ А.И.Корякин, кини солбуйааччыта Ж.Э.Егорова, кэмитиэт чилиэннэрэ А.Н.Атласова, Ю.М.Николаев, тыа сиригэр уонна аграрнай политикаҕа сис кэмитиэт бэрэссэдээтэлэ Д.В.Саввин, дьиэ кэргэн, оҕо, ыччат, физкультура уонна спорт дьыалаларыгар сис кэмитиэт бэрэссэдээтэлэ Ю.П.Баишев олохтоох салайыныы боппуруостарыгар сис кэмитиэт бэрэссэдээтэлэ В.А.Местников, П.Р.Аммосов, А.А.Филиппов, И.М.Андросов, доруобуйа харыстабылын министрэ М.Е.Охлопков салалтатынан туһааннаах министерство, СР булгуччулаах медицинскэй страховка территориальнай фондун үлэһиттэрэ, биһиги улууспут эмчиттэрин сэргэ Амма, Чурапчы, Уус Алдан, Мэҥэ Хаҥалас улуустарын эмчиттэрэ, Ил Түмэн аппаратын специалистара кыттыыны ыллылар.
Сис кэмитиэт көһө сылдьар мунньаҕар «СР илин эҥэр зонатыгар доруобуйа харыстабылын сайдыытын кэскилин туһунан» боппуруос көрүлүннэ. Мунньаҕы сис кэмитиэт бэрэссэдээтэлэ А.И.Корякин салайан ыытта. Кини илин эҥэр улуустарга доруобуйа харыстабылыгар үгүс кыһалҕа баарын, балыыһалар материальнай-техническэй базалара эргэрбитин, медицинскэй өҥөнү оҥоруу хаачыстыбатын тупсарыы соруга турарын, РФ «Нэһилиэнньэ доруобуйатын харыстааһын туһунан» сокуонунан салайтаран былааннаах, кэскиллээх үлэ барыахтааҕын бэлиэтээтэ. Ил Түмэн бэрэссэдээтэлин солбуйааччы О.В.Балабкина мустубут дьоҥҥо туһаайан, доруобуйа харыстабылын эйгэтин, РФ доруобуйа харыстабылыгар министрин бирикээһин олоххо киллэрии сүрүн соруктарыгар тохтоото.
Кини кэнниттэн биһиги улууспут баһылыга М.М.Соров улуус социальнай-экономическай сайдыытын, олоҕун-дьаһаҕын туһунан иһитиннэрии оҥордо.
Сис кэмитиэт мунньаҕар сүрүн иһитиннэриини доруобуйа харыстабылын министрэ М.Е.Охлопков оҥордо. Кини республика илин эҥэр улуустарыгар 105346 киһи олорорун, эмтиир үлэ үс таһымынан ыытылларын, сүрүн болҕомто эмтээһин хаачыстыбатыгар ууруллуохтааҕын, «Земскэй доктор» программа көмөтө улаханын бэлиэтээн туран, улуустарга балыыһалар материальнай-техническэй базаларын бөҕөргөтүүгэ туох үлэ ыытыллыахтааҕын билиһиннэрдэ. Онно этиллибитинэн биһиги улууспутугар таас балыыһа үһүс этээһин, поликлиника, Чөркөөхтөөҕү тубсанаторий тутуулара сүрүн сорук быһыытынан тураллар. Оттон булгуччулаах медицинскэй страховка территориальнай фондун директорын бастакы солбуйааччы А.Р.Ермолаев фонда ыытар үлэтин билиһиннэрдэ. Кини улуустар балыыһалара эмчиттэринэн, быраастарынан хааччыллыылара ситэтэ суоҕун, эмтээһиҥҥэ федеральнай нормативынан биир киһиэхэ 58 тыһ. солк. көрүллэрин, ол суума республикаҕа 50 тыһ. солк. толоруллан олорорун, манна республикаттан утары үбүлээһин баар буолуохтааҕын, ол ситэ бэриллибэтин туһунан эттэ.
Итинтэн салгыы улуустар кылаабынай быраастара С.В.Кононова (Таатта), Н.П.Тихонов (Амма), А.А.Павлов (Мэҥэ Хаҥалас), А.И.Коркин (Чурапчы), В.В.Богдашин (Уус Алдан) иһитиннэрии оҥордулар. Биһиги улууспут кылаабынай бырааһа С.В.Кононова этиититтэн билиһиннэрэр буоллахха улууска өлүү 13, үлэлиир саастаах дьон өлүүтэ 34 бырыһыан намтаабытын, сүнньүнэн хаан эргиирин ыарыыларыттан, онкологияттан өлүү элбэҕин, киин балыыһа салалтата улуус салалтатын кытта 2018 сылга диэри улууска өлүүнү аччатыыга туһаайыллыбыт программа ылынан үлэлээбиттэрэ көдьүүстээх буолбутун, балыыһалар эмчиттэринэн хааччыллан олороллорун, орто медицинскэй кадрдарынан хааччыллыыга проблемалар баалларын, эдэр специалистарга олорор дьиэ кыһалҕата баарын, таас балыыһа үһүс этээһин, поликлиника бырайыактара оҥоһуллубуттарын, Уолбаҕа государство чааһынайдыын кыттыһан, ФАП дьиэтин тутуохтаахтарын туһунан эттэ. Уопсайынан, улуустар кылаабынай быраастара орто медицинскэй үлэһиттэр, ордук биэлсэрдэр тиийбэттэрин, тымыр ыарыыларын сэргэ, онкологическай ыарыылартан, тастан дьайыы содулуттан өлүү элбэҕин бэлиэтээтилэр. Мэҥэ Хаҥалас кылаабынай бырааһа А.А.Павлов улууска сүрэх-тымыр, травматология ыарыыларын эмтиир улуустар икки ардыларынааҕы кииннэр, төрүүр дьиэ аһыллыбыттара көдьүүстээх буолбутун иһитиннэрдэ.
Иһитиннэриилэр сүнньүлэринэн Ил Түмэн депутата В.А.Местников тоҕо кесарево ньыматынан төрөтүү элбээбитин уонна эндопротезирование уочаратын аччатыыга туох үлэ барарын ыйыталаста. Маныаха министр кесарево ньыматынан төрөтүү дьахталлар доруобуйаларын туругун кытта быһаччы сибээстээҕин, билигин мөлтөх доруобуйалаах дьахтар наһаа элбээбитин, эндопротезирование уочаратын аччатар туһуттан травматология кииннэрэ аһыллалларын, Майаҕа илин эҥэр улуустары хааччыйар киин үлэлиирин чуолкайдаата.
Депутат Ю.М.Николаев улуустарга онколог быраастар тиийбэттэрин, ол түмүгэр ыарыы хойутаан булуллар буолан өлүү элбэҕин, оҕолор тыынар органнарынан ыалдьаллара элбэҕин, сыл аайы тыа сиригэр специалистарга анаан олорор дьиэ тутуутугар 500 мөл. солк. көрүллэрин, тыаҕа үлэлии тиийэр эмчиттэри олорор дьиэнэн хааччыйыы боппуруоһунан олохтоох дьаһалталар дьарыктаныахтаахтарын туһунан эттэ.
Н.ИОВЛЕВ.
