Бу дьыл тохсунньу 29 күнүгэр Москва куоракка «Аччыгый урбаан эйгэтигэр Citi Фондун Россиятааҕы бириэмийэтэ» куонкурус кыайыылаахтарыгар анал бириэмийэлэри, ааттары туттарыы сиэрэ-туома буолан ааста. 2015 сылга бу куонкурсу Citi Фонд үбүнэн өйөбүлүнэн НАУМИР (Национальное партнерство участников микрофинансового рынка) уонна «Россия Микрофинансовай Киинэ» Фонд (РМЦ) тэрийэн ыыталлар. Куонкурсу ыытыыга РФ Экономическай сайдыыга министерствота, РФ Эргиэн-промышленнай палатата уонна аччыгый, орто урбаан Бүтүн Россиятааҕы «Опора России» общественнай тэрилтэ күүс-көмө буолаллар.
Куонкуруска Россия бары регионнарыттан 178 сайаапка киирбит. Түмүккэ 9 урбаанньыкка аччыгый урбаан эйгэтигэр олохтоммут 9 номинация ананна, харчынан бириэмийэ туттарылынна. Кинилэр истэригэр биһиги улууспутуттан чааһынай оҕо садын тэрийбит, баҕалаахтары массыына ыытарга үөрэтэр, парикмахердары, асчыттары, иистэнньэҥнэри үөрэтэр курстары аһан үлэлэтэр Анна Егоровна Ефимова «2015 сыл бастыҥ социальнай урбаанньыта» номинацияҕа...
Н.ИОВЛЕВ.
