Ссудо-сберегательнай союз» КПК улуустааҕы салаатын (салайааччы А.М.Каприна, менеджер В.М.Сергеева) кыракый коллектива Улуу Кыайыы чиэһигэр бэйэтин пайщиктаахтарын: сэрии сылын оҕолорун уонна үлэ бэтэрээннэрин өрүүтүн чиэстиир, итии чэй тэрийэн күндүлүүр үтүө үгэстээх.
Быйыл да ол үгэһиттэн туораабата, Улуу Кыайыы 71 сылынан бэтэрээн пайщиктаахтарын ыҥыран ыалдьыттатта, сэмэй өйдөбүнньүк бэлэхтэри туттарда. Ыалдьыттар ортолоругар сэрии сылын оҕолоро А.П.Афонина, Е.И.Колодезникова, К.П.Колодезникова, Г.Е.Огонерова, үлэ бэтэрээннэрэ Д.П.Мандарова, И.И.Данилова бааллар. Кинилэр толору астаах сандалы тула олорон, ирэ-хоро сэһэргэстилэр, уруккуну-хойуккуну ахтыстылар. А.П.Афонина коллектив үлэһиттэригэр А.М.Капринаҕа уонна В.М.Сергееваҕа анабыл хоһооннору суруйбутун бэлэхтээтэ. Ол хоһооннорун сэргэ бэйэтин айар үлэтиттэн билиһиннэрдэ, мустубут дьону хоһоон ааҕан сэргэхситтэ.
«Ссудо-сберегательнай союз» КПК бу үтүө саҕалааһынын атын потребительскэй кооперативтар батыһаллара буоллар, аҕа саастаах көлүөнэҕэ ытыктабыл уонна махтал көстүүтэ буолуо этэ. Онон «ССС» КПК батыһааччылардаах буолуо диэн эрэниэҕи баҕарыллар.
Бэйэбит инф.
