Бары билэрбит курдук, билигин сирбитин-уоппутун докумуоннааhын үлэлэрэ буола тураллар. Ол туhунан Таатта улууhун Муниципальнай Баайы-Дуолу салайар кэмитиэт дириэктэрэ П.И.Христофорова кэпсиир: «Уhук илин территорияҕа дьоҥҥо сири биэрии уратыларын туhунан» Федеральнай сокуон күүhүгэр 2016 сыл ыам ыйын 1 күнүттэн киириэхтээх.
- 3-с ый пилотнай улууhунан Саха сиригэр Нам улууhугар бастаан киирбитин кэннэ түhүмэх бэрээдэгинэн
барыахтаах.
Биhиги улууска ити сокуон бырайыагын кытары үлэлэhэр рабочай бөлөх 2015 сыл алтынньы 1 күнүн 868 №-дээх Таатта улууhун баhылыгын уурааҕынан сир, ойуур хаhаайыстыбатын специалистарыттан састааптаах тэрилиннэ. Рабочай бөлөх 2015 сылга ылыммыт былаанынан үгүс үлэлэр ыытылыннылар, ол курдук туhанылла сылдьар сирдэр чуолкайданнылар.
Таатта улууhун үрдүнэн 11397 сир учаастага, 749681 гектар, ол эбэтэр Таатта улууhун уопсай иэниттэн 1898408 гектартан 39,48% кадастр учуотугар турбута чуолкайданна.
Рабочай бөлөх 2016 сыллааҕы сүрүн соруктарынан буолаллар: мэччирэҥ сирдэрин докумуоннатарга, муниципальнай туhаныыга араас сылларга бэриллиэхтээх сирдэри резербэлээhиҥҥэ, ураты харыстанар сирдэри кадастровай учуокка туруоруу уонна саамай улахан соругунан буолар Таатта улууhун олохтоохторун сирдэрин докумуоннарын оҥорторуу...
А.БУРЦЕВ.
