Ыйытыы: Мин пенсиям мунньуллар өлүүтүн ааспыт өттүгэр үлэтин тохтоппут «Эрэл» НПФ (негосударственнай пенсионнай фонда) мунньан сытыарбыт буоллахпына, хайдах төттөрү ылыахпын сөбүй?
Хоруй: 2014-2015 сылларга буолбут уларыйыылар түмүктэринэн 33 НПФ акционернай обществоҕа уларытыллан тэриллэннэр, лицензия ылан, салгыы үлэлиир бырааптаннылар. Ол эрээри кинилэр хайаан да уурдарыылары страховкалааһын систематыгар киирбит буолуохтаахтар. Онон пенсияҕыт мунньуллар өлүүтүн, бу усулуобуйалар баар буоллахтарына эрэ, НПФ эрэнэн, көһөрөн үүннэттэриэххитин сөп.
Өскөтүн негосударственнай пенсионнай фонда лицензията былдьаммыт түбэлтэтигэр, сокуон нуормаларыгар олоҕуран, РФ Киин баана бу үлэтин тохтоппут НПФ үбүн быһаарарга быстах кэмнээх салалтаны аныыр. Ол салалта 30 күн иһинэн Россия государственнай пенсионнай фондугар (РПФ) страховкаламмыт сирэйдэр (застрахованные лица) пенсияларын мунньуллар (накопительнай) өлүүтүн үүннэрэргэ ылыммыт эбэһээтэлистибэтин туһунан реестр түһэрэр уонна онно олоҕуран 3 ый иһинэн туһааннаах дьон пенсияларын мунньуллубут өлүүтэ төттөрү РПФ төннөрүллэр. Бу негосударственнай пенсионнай фондаттан РПФ төннөрүллүбүт суума иһигэр НПФ сытан үүннэриллибит инвестиционнай дохуот (бырыһыан) эмиэ киирэр. Онон биһиги республикабытыгар баар «Эрэл»...
А.ПОСТНИКОВА, улуустааҕы пенсионнай фонда управлениетын начальнига.
