Бу күннэргэ Алдан нэhилиэгэр почта отделениета тэриллибитэ 65 сылыгар уонна «Сибээс — олох ситимэ» кинигэ тахсыытыгар аналлаах үөрүүлээх тэрээhин буолан ааста. Тэрээhини Булуннааҕы сибээс отделениетыгар уhун сылларга почтальонунан, 19 сыл начальнигынан үлэлээбит сибээс ветерана М.И.Винокурова көҕүлээн, тэрийэн, кинигэ бэчээттэтэн таhааран тэрийдэ.
Онон үөрүүлээх тэрээhин аhыллыытыгар бастакы тылы Мария Иннокентьевнаҕа биэрдилэр. Кини кылгастык почта отделениетын историятын сырдатта. Онтон билиhиннэрэр буоллахха Алдан нэhилиэгэр 1951 с. кулун тутарга сибээс ситимэ тардыллан, бастакы телефон туруоруллан, Сибээс агентствота аhыллыбыт. Бастакы агенынан М.Г.Еремисова-Попова, монтерунан Е.Н.Новгородов ананан үлэлэрин саҕалаабыттар. Бу почта отделениетыгар сэрии ветераннара С.Г.Егоров, П.И.Товаров начальнигы-
нан, Н.Я.Колодезников, Ф.Н.Иванов почтальонунан үтүө суобастаахтык үлэлээн ааспыттар. Ити курдук М.И.Винокурова нэhилиэк почтатыгар хаhан кимнээҕи кытта үлэлээн ааспытын, сибээс үлэтэ хайдах сайдан испитин сиhилии билиhиннэрдэ...
Н.ИОВЛЕВ.
