Yгэс курдук сыл саҕаланыыта Тыа хаhаайыстыбатын министерствота дьиэ кэргэн фермаларын уонна саҥа саҕалаан эрэр бааhынайдар икки ардыларыгар куонкурус ыытан, федеральнай уонна республика программаларынан Граннары түҥэтэр. Кулун тутар 23 күнүгэр министерствоҕа дьиэ кэргэн фермаларын икки ардыларыгар ыытыллыбыт куонкурус түмүктэнэн, кимнээх Грант ылаллара быhаарылынна. Онно биhиги улуустан биэс хаhаайыстыба Грант ылар чиэскэ тигистэ.
Ол курдук саамай улахан суумалаах Граны Туора Күөл бааhынай А.Н.Кузьмин ылла. Кини сүрүннээн cүөhү иитиитинэн уонна сир оҥohуутунан дьарыктанар. Онон бааhынатын иэнин, ыhыытын кэҥэтэригэр улахан көмөҕө тигистэ. Кинини сэргэ улуус киинигэр олорор, ынах cүөhү иитэр бааhынай В.Д.Егорова, сибиинньэ иитэр Н.Д.Протопопов уонна Чычымахтан П.Н.Канаев, сылгы иитиитинэн дьарыктанар Ф.Р.Софронов Граҥҥа тигистилэр. Кинилэр бары бааhынай хаhаайыстыба тэринэн үлэлээбиттэрэ ыраатта.
Онон бу ылбыт Граннарын туhанан хаhаайыстыбаларын кэҥэттиэхтэрэ, сүөhүлэрин, сылгыларын ахсаанын элбэтиэхтэрэ.
Бэйэбит инф.
