Соторутааҕыта Дьокуускай куорат саҥа үлэҕэ киирбит СР идэлээх сойуустарын федерациятын дьиэтин актовай саалатыгар РФ государственнай тэрилтэлэрин уонна общественнай хааччыйыы үлэһиттэрин идэлээх сойуустарын республикатааҕы кэмитиэтин III-с уочараттаах пленума ыытылынна. Маныаха 2015 сыл түмүгүнэн улуустар, министерстволар (ведомстволар), республикатааҕы уонна оройуоннааҕы тэрилтэлэр, нэһилиэктэр салайааччылара идэлээх сойуус рескомун кытта үлэлэрин түмүгэ таһаарылынна.
Биһиги улууспут баһылыга М.М.Соровка «Оройуоннар баһылыктарын ортолоругар бастыҥ социальнай партнёр» номинация туттарылынна. Маныаха тэрилтэлэргэ коллективнай дуогабардары ылыныы, улууска үс өрүттээх дуогабары түһэрсии, улуус профсоюзнай тэрилтэлэрин үлэлэрэ учуоттанна. Үрдүк наҕарааданы реском бэрэссэдээтэлэ, СР общественнай палататын бэрэссэдээтэлэ В.П.Алексеев туттарда. Улууспут баһылыгын М.М.Соровы ити үрдүк наҕараадатынан эҕэрдэлиибит.
Бэйэбит инф.
