Бэс ыйын 17 кунугэр Ытык Куелгэ Ф.М.Охлопков аатынан култуура уонна сынньалан пааркатыгар саха литературатын теруттээччи, поэт, белуьуек, фольклорист, этнограф, А.Е.Кулаковскай-Ексекулээх Елексей тереебутэ 140, саха хомуьун Бутун Арассыыйа5а аан бастаан дьуруьуппут айдарыылаах хомусчут, Улэ Кыьыл Знамята орден кавалера, Саха АССР культуратын утуелээх улэьитэ, хомусчут, ырыаьыт, мелодист, ункууьут, режиссер, артист, алгысчыт, хотугу норуоттар культураларын тар5атааччыЛука Николаевич тереебутэ 100, совхозтар, Харбалаахтаа5ы «Телен» ААО тэриллибиттэрэ 50 сылларыгар, Россия5а экология, улууска Дьиэ кэргэн сылларыгар анаммыт ыьыах алгыс туьулгэтиттэн са5аланна.
Ыьыахха мустубут дьон-сэргэ бутун саха омук киэн туттар, тумус туттар киьибит Борис Федорович Неустроев-Мандар Уус ааттаах алгыьын, сайа5ас тылын-еьун астына иьиттилэр, куустэригэр куус эбиннилэр. Алгыс туьулгэтигэр мустубут дьон анаан тэриллибит алгыстаах ункуулэри кердулэр, ырыалары-тойуктары иьиттилэр, туьулгэ5э буьарыллыбыт алаадьынан айах тутуллан, саамал кымыьы иьэн уердулэр-кеттулэр. Салгыы ыьыах дьоно хомус дьурулгэнинэн до5уьуолланан театрализованнай дьуьуйууну кере киин трибуна5а, совхозтар, «Телен» ААО тэриллибиттэрэ 50 сыллаах параадтарыгар кытта хото5остуу субулуннулар.
Параадка бары совхозтар дэлэгээссийэлэрэ отделениеларынан мустан кэлбиттэр. Совхозтар оччотоо5у дириэктэрдэриттэн параадка «Сайдыы» совхоьу сатабыллаахтык салайбыт СР норуотун хаьаайыстыбатын утуелээх улэьитэ, тыа хаьаайыстыбатын туйгуна, Таатта улууьун сайдыытыгар утуелэрин иьин анал бэлиэ кавалера, Дьохсо5он, Октябрьскай нэьилиэктэр бочуоттаах гражданиннара Петр Петрович Саввин, бары совхозтарга араас сылларга улэлээбит салайааччылар, туру улэьит дьон уерэ-кете хаамсыбыттара керуехтэн эриэккэс. «Албан ааттаах шахтер» бэлиэ толору кавалера, СР утуелээх горняга, Харбалаах терут олохтоо5о, «Телен» ААО дириэктэрэ П.Д.Рахлеев салайааччылаах кэлэктиип бутун тэрилтэнэн кэлэн кытыннылар, уеруулэрин уллэьиннилэр.
Ыьыах бочуоттаах ыалдьыттарынан СР Бырабыыталыстыбатын бэрэссэдээтэлэ Чекин Евгений Алексеевич, СР Бырабыыталыстыбатын бэрэссэдээтэлин солбуйааччы Алексей Прокопьевич Дьячковскай, Ил Тумэн депутааттара Иван Михайлович Андросов, Дмитрий Васильевич Саввин, СР култуура5а уонна духуобунай сайдыыга миниистирэ Владимир Иванович Тихонов, Алексеевскай оройуон Петр Алексеев аатынан совхоьугар салалта5а таьаарыылаахтык улэлээбит, кэлин оройуон райсоветын бэрэссэдээтэлинэн, ССКП Алексеевскай оройуоннаа5ы комитетын бастакы сэкирэтээринэн уьуннук улэлээбит, СР норуотун хаьаайыстыбатын утуелээх улэьитэ, Таатта-Мэнэ Ханалас Бочуоттаах гражданиннара, Таатталар ытыктыыр салайааччыбыт, киэн туттар киьибит Георгий Михайлович Артемьев,СР култууратын утуелээх улэьитэ, бэчээт туйгуна, ССРС журналистарын сойууьун чилиэнэ Борисов Иван Васильевич, Ил Дархан уонна Бырабыыталыстыба бэтэрээннэрин Сэбиэтин бэрэссэдээтэлэ, СР култууратын утуелээх улэьитэ, Таатта улууьун бочуоттаах олохтоо5о, филологическай наука кандидата Протодьяконов Семен Афанасьевич, уерэ5ирии сайдыытын хааччыйар киинин дириэктэрэ Аржаков Владимир Владимирович, «Монтажник» производственнай кооператив салайааччыта Ханин Александр Михайлович, Дьокуускай куораттаа5ы «Таатта тумсуу» общественнай тэриллии толорор дириэктэрэ Турнин Прокопий Прокопьевич, СР култууратын утуелээх улэьитэ, судаарыстыбаннай сулууспа, бэчээт туйгуна Петрова Астра Дмитриевна, РФ уерэ5ириитин туйгуна, педагогическай улэ бэтэрээнэ, СР уерэ5ирии систематын Бочуоттаах бэтэрээнэ Кулаковская Рива Реасовна, Лука Николаевич Турнин тереппут кыыьа, «Таатта улууьун социальнай-экономическай сайдыытыгар кылаатын иьин» бэлиэ кавалера, Таатта улууьун бочуоттаах олохтоо5о Соломонова Ираида Лукинична, Аан дойдутаа5ы Хомус киинин уонна музейын Президенэ Шишигин Николай Спиридонович, Хомус музейын директораСлепцова Евдокия Павловна, Аан дойдутаа5ы Хомус киинин уонна музейын научнай улэьитэ, хомуска тардыыны уйэтитээччи Борисова Лидия Михайловна.
Таатта улууьун олохтоохторун Бырабыыталыстыба бэрэссэдээтэлэ Е.А.Чекин, Ил Тумэн депутааттара И.М.Андросов, Д.В.Саввин, улуус баьылыга М.М.Соров, улуус депутааттарын мунньа5ын бэрэссэдээтэлэ В.А.Охотин, Ексекулээх Елексей сиэнэ Р.Р.Кулаковская, Л.Н.Турнин кыыьа И.Л.Соломонова, хомуьу пропагандалааччы, ХИФУ профессора, хомусчут, Аан дойдутаа5ы хомус музейын Бэрэсидьиэнэ И.Е.Алексеев-Хомус Уйбаан э5эрдэлээтилэр. Улууспут киэн туттар, чулуу улэьит дьонноро СР бырабыыталыстыбатын, «Таатта улууьа» МО баьылыгын на5араадаларын дохсун ытыс тыаьынан туттулар.
Ыьыах театрализованнай дьуьуйуутэ А.Е.Кулаковскай-Ексекулээх Елексей, Л.Н.Турнин айар улэлэригэр, совхозтар устуоруйаларын, Улуу Октябрьскай социалистическай революция 100 сылынан кестуулэри угус талааннаах о5о, улахан дьон, уус-уран самодеятельность кыттыылаахтарынан толорулунна. Дьуьуйуугэ кыргыттар, дьахталлар, а5а саастаах эбэлэр хомус ункуутун, араас кестуулэри, эр дьон, уолаттар, эдэр дьон Ексекулээх Елексей хоьооннорун толоруулара, Ексекулээх Елексей ахсым аатынан хаамтаран киирэн ааьыыта дьуьуйуу ис хоьоонун ситэрэн, тупсаран биэрдилэр. Хомус Уйбаан салайааччылаах Лука Турнин аатынан стипендия лауреаттара Айтал Мырсанов (АГИКИ), Ирина Охлопкова, Токуйаана Николаева (ХИФУ) студеннара хомуска кургуемунэн толорууну иилээтилэр-са5алаатылар, стадиону хомус дор5оонунан толордулар. Дьуґуйуу улахан оьуохайынан тумуктэннэ.
Салгыы киэн бырагырааммалаах э5эрдэ кэнсиэр, спортивнай курэхтэьиилэр, араас куонкурустар, киэьээ еттугэр совхозтар тэриллибиттэрэ 50 сылыгар аналлаах ат сууруутэ ипподромна, шоу-бырагыраамма быыстала суох ыытылыннылар.
Уйгу-быйаны тустуур, нус-хас олоххо туьаайар алгыстаах ыьыах дьон оло5у бигэтик оностуутугар олук буолан, сана санаалары сахта, утуе5э тускулаата.
Виктор ВИНОКУРОВ.
