СР юстицияҕа государственнай комитетын председателэ С.М.Гурьева салалталаах иккис бөлөх Тыараhа, Чөркөөх уонна Дьохсоҕон бөhүөлэктэринэн сырытта. Олохтоохтор Сардана Михайловна республика 2015 сыллаах Ситэриилээх былааhын үлэтин болҕойон иhиттилэр, сэҥээрдилэр. Отчуоту кытта тэҥҥэ республикаттан нэhилиэктэргэ анаммыт куратордар тэҥҥэ сылдьан үлэни-хамнаhы кэпсээн, ситэрэн-хоторон биэрдилэр, Ил Түмэн депутата П.П.Пинигин кыттан санаатын олохтоохторго тиэртэ. Онон быйыл отчуот бары интэриэстээх салалтаны түмэн толорутук барда диэн бэлиэтээн этиэххэ наада. Тыараhаҕа былырыын турбут сүрүн боппуруостарга туох-ханнык үлэ барбытын нэhилиэк куратора, мантан силистээх СР Дьарыктаах буолуу киинин Департаменын кылаабынай специалиhа М.З.Бурцева оҥордо. Ол курдук, Мария Захаровна иhитиннэриититтэн иhиттэххэ, сүрүн боппуруостарынан тыараhаларга – саҥа таас оскуола дьиэтин тутуу, быhыт оҥоруу турар.
М.З.Бурцева: «Быйыл манна куратордаабытым 4-с сыла буолла. Саамай улахан, этэргэ диэри тыын боппуруоhунан - 2007 сыллаахтан көтөҕүллэр оскуола тутуута буолар. Улуус, нэhилиэк, оскуола салалтатын өттүттэн улахан үлэ барбытын бэлиэтиэххэ наада, манна сөптөөхтүк туруорсан билигин бырайыактыыр-чинчийэр үлэ ыытыллар. Онон бу улахан боппуруос оннуттан сыҕарыйбытыгар Таатта улууhун салалтатыгар махтанабын...
Н.ИОВЛЕВ.
