Ааспыт сыл бүтэһик күнүн даҕаһа улууспутугар бэйэлэрин идэлэригэр, общественнай олоххо, спонсорскай көмөҕө бастыҥ үлэһит дьон ааттара ааттаннылар. Ааһан иһэр сыл түмүгүнэн СР Государственнай, ведомственнай уонна муниципальнай наҕараадалары улуус баһылыга М.М.Соров мустубут дьону эҕэрдэлээн туран үөрүүлээх быһыыга-майгыга туттарда.
Ол курдук, „РФ уопсай үөрэхтээһинин Бочуоттаах үлэһитэ“ аат Тааттатааҕы үөрэх управлениетын инспектора Н.С.Андрееваҕа, РФ үөрэҕин уонна наукатын Бочуотунай Грамотатынан Ытык Күөл 1№-дээх орто оскуолатын учуутала М.В.Алексеева, СР Ил Дарханын Грамотатынан уонна кыһыл көмүс чаһыынан „Туймаада-нефть“ ААО холбоһук оператора Г.Г.Ефграфов, СР Ил Дарханын Грамотатынан уонна кыһыл көмүс чаһыынан Тааттатааҕы пенсионнай фонда управлениетын иккис разрядтаах специалиһа А.Н.Осипова, СР Правительствотын Грамотатынан уонна кыһыл көмүс чаһыынан Таатта улууһа муниципальнай оройуон үп-харчы управлениетын кылаабынай специалиһа С.Н.Элякова наҕараадаланнылар.
СР Ил Дарханын Граннара: „Культурология уонна искусствознание эйгэтигэр, бэчээт уонна научнай чинчийии“ хайысхаҕа „Денис Данилов 80 сааґыгар“ саха ырыаларын хомуурунньуга бырайыак автора В.Д.Даниловка, СР Ил Дарханын Грана „Культурнай сынньанар эйгэни уонна норуот уус-уран оҥоһуктарын сайыннарыыга бырайыактары өйөөһүн“ хайысхаҕа „Олоҥхо нөҥүө төрөөбүт“ бырайыак автора Тааттыныскай нэһилиэк специалиһа Е.Н.Дедюкина туттулар. Суол сайдыытыгар кылаатын, үрдүк таһаарыылаах үлэтин иһин СР Правительствотын Председателин Махтал суругунан „Тааттаавтодор“ ААО бульдозериһа Ф.Н.Филатов, СР атыы-промышленнай палататын „Предпринимательство сайдыытыгар кылаатын иһин“ мэтээллэринэн чааһынай урбаанньыттар: А.Д.Гуляева, Н.К.Николаев, Т.И.Ноенохова туттулар.
Предпринимательство дьыалатыгар уонна туризмы сайыннарыыга министерство Грамотатынан: „Баай Ас“ ТХПК салайааччыта С.Н.Андросов, таһаҕаһы тиэйиигэ чааһынай урбаанньыт: С.П.Игнатьев, „Музыка барыбытыгар“ бырайыак олоххо киириитин иккис сылын түмүгүнэн культура уонна духуобунай сайдыы министрин Махтал суругунан Таатта улууһун культура управлениетын начальнига А.П.Лопатин, культура уонна искусство сайдыытыгар тус кылаатын, библиотечнай системаҕа өр сыллаах бэриниилээх үлэтин иһин СР культуратын уонна духуобунаһын министерствотын Бочуотунай Грамотатынан Г.И.Савватеева...
С.ХАЛГАЕВА.
