Аан дойду дьахталларын күнүн көрсө «Сарыал» культура киинигэр «Эбээ хоппотун кистэлэҥэ» диэн сүрдээх истиҥ ааттаах 60-70-80-90-с сыллардааҕы муода
уларыйыытын көрдөрөр күрэс ыытылынна. Тэрээhини «Сарыал» киин уус-уран салайааччыта С.И.Очирова иилээн-саҕалаан ыытта. Күрэскэ 17 эбэ кытынна. Кинилэр дьыл түөрт кэмигэр сөп түбэhэр 60-70-80-90-с сыллардааҕы таҥастары кэтэн көрдөрдүлэр. Эбэлэр лаахтаах суумкаттан, чулку сапожкаттан саҕалаан араас сылларга кэтиллэ, туhанылла сылдьыбыт ытарҕалары, оҕуруолары иилинэн, араас кэмнэрдээҕи таҥаhы таҥнан тахсан көрдөрбүттэрэ олус сонуннук көhүннэ. Түмүк дьыл түөрт кэмин таҥастарынан тус-туспа таhаарылынна.
Кыhыҥҥы таҥаска М.П.Сенькин бастаата, А.В.Дайбаннырова иккис, Т.Д.Чербоева үhүс буоллулар. Сааскы таҥаска А.К.Павлова кыайыылааҕынан таҕыста. Л.И.Тихонова иккис, У.И.Матаннанова үhүс миэстэни ыллылар. Сайыҥҥы таҥаска М.Д.Матаннанова кыайыы үөрүүтүн биллэ, оттон А.И.Колесова иккиhи, Е.П.Ордахова үсүhү ыллылар. Күhүҥҥү таҥаска Ф.Ф.Иванов таҥаhа бастыҥынан ааттанна. С.П.Андросова иккис, Х.И.Неустроева үhүс миэстэҕэ тигистилэр. Итини таhынан С.Н.Мочкинаҕа «Бастыҥ раритет», Д.С.Ивановаҕа «Дьиэ кэргэн реликвията», Е.М.Михайловаҕа «За сохранность», М.А.Сенькинаҕа «Элегантность», В.Д.Егороваҕа «Бастыҥ комплект» номинациялар туттарылыннылар. Миэстэлэспит уонна номинация ылбыт эбэлэр харчынан наҕараадаланан, үөрэн-көтөн тарҕастылар. Күрэс ыытыллар кэмигэр тэрээhин кыттыылаахтарын Екатерина Винокурова истиҥ иэйиилээх ырыатынан эҕэрдэлээтэ....
М.МАКСИМОВА, общ.корр.
