Тохсунньу 13 күнүгэр улуус баһылыгын отчуота саамай ыраах сытар Хара Алдан, Уус Таатта нэһилиэктэригэр ыытылынна.
Хара Алданнар баһылык отчуотун сэІээрэн иһиттилэр. Үгүс боппуруос ититии ситимигэр холбооһун, сибээс мөлтөҕөр, биэрэги бөҕөргөтүү үлэтигэр, үөрэх, 1 гектар сир тула буолла. Бу боппуруоска туһааннаах салаа салайааччыларыттан, специалистартан, улуус баһылыгыттан эппиэт ыллылар.
Ол курдук, ититии ситимигэр киирдэххэ, улуустааҕы ОДьКХ салайааччыта Д.Д.Павлов иһитиннэрбитинэн, былырыын бөһүөлэккэ түөрт ыал ититии ситимигэр холбоммут, капитальнай өрөмүөн трасса оҥоруутугар ыытыллар эбит. Бу үлэ силигин ситтэҕинэ эбии 20 чааһынай дьиэ ититиигэ холбонуоҕа диэн эттэ. Үөрэхтээһин боппуруоһугар, улуус баһылыга М.М.Соров улууска үчүгэй теплотехниктар, юристар, тутууга смета оҥорооччулар, бизнес-былааны оҥорор экономистар наадаларын тоһоҕолоон бэлиэтээтэ. Тус сыаллаах миэстэнэн оҕону үөрэххэ ыытыыга кулун тутар 1 күнүгэр дылы сайабылыанньаны түһэриэххэ сөбүн эттэ. Биһиги улууска ордук тус сыаллаах миэстэнэн үөрэххэ киириигэ улуустааҕы киин балыыһа медицина институтун кытта үлэ ыытарын хайҕаан бэлиэтээтэ ...
С.ХАЛГАЕВА.
