Улуус уерэ5ин тэрилтэлэриттэн биир кырдьа5ас тутууларыттан биирдэстэрэ Ытык Куеллээ5и «Чуораанчык» о5о саадын сана таас дьиэтин бастакы сваятын уеруулээхтик туьэрии 2016 сыл сааьыгар муус устар 27 кунугэр СЕ кунун керсе буолбута. Онно иитиллээччилэр, саад бары улэьиттэрэ, тереппуттэр, улуус, нэьилиэк салайааччылара сылдьан, тутуу тургэнник, хаачыстыбалаахтык бутэригэр эрэллээх уруйдаабыттара-айхаллаабыттара.
Тутууну бу иннинэ улууска Черкеех, Баайа5а оскуолаларын, атын да улуустарга араас учугэй тутуулары ыыппыт, оччолорго сирэй салайааччы, биир дойдулаахпыт Яков Ананьевич Ефимов «Северный Дом» ХЭТ ыытар. Ити кэмтэн ыла кэтээн кердехпутунэ, дьиэ сваялара туруохтарыттан, истиэнэтэ тахсан истэ5ин аайы, соро5ор тохтоон ыла-ыла, кун бугун кендейе бутэн аны биир нэдиэлэ курдугунан кырыыьата сабыллан, дьиэ кендейе ситэри бутуе5э. Билигин тэрилтэ генеральнай дириэктэрэ Алексей Олегович Лобов, солбуйааччы Я.А.Ефимов. Тутуу хайдах баран иьэрин билсэ билигин прорабынан улэлии сылдьар Антон Николаевич Уваровы керустум. Тутууну миэстэтигэр салайар эдэр киьи орто анал уерэхтээх, салгыы уерэнэн 2011 сыллаахха ХИФУ инженернэй-техническэй факультетын бутэрбит инженер идэлээх, Ытык Куелтэн теруттээх.
Тутуу судаарыстыбаннай-чааьынай бииргэ улэлээьин керунунэн ыытыллар. Графиктан хаалыы сорох еттугэр баар. Кэнники болдьохтооьун быьыытынан ахсынньы ый диэки судаарыстыба5а, улэ5э киириигэ туттарыллыахтаах. Дьиэ тас улэтэ бала5ан ыйын диэки бутуехтээх. Билигин Баайа5аттан кырыыьа5а, Черкеехтен тас облицовка5а олохтоох уолаттар улэлии сылдьаллар. Субподрядчиктар вентиляция5а, ититиигэ, уоту тардыыга, тас буруеьуннэ (облицовка5а) о.д.а. улэлэргэ тигинэччи улэлии сылдьаллар. Биригээдэлэргэ сахалар, нууччалар, атын да омук дьонноро эйэ-дэмнээхтик улэлииллэр. Соруктара биир: тутууну болдьо5ун иьигэр тургэнник, хаачыстыбалаахтык ыытыы.
Тутааччылар аьылыктара, олорор, сынньанар сирдэрэ септеехтук тэриллибит, хамнастара улэьиттэргэ бэриллэн иьэр эбит.
Прораб Антон Уваров улуус салалтатыттан баьылыгы тутууга солбуйааччы Н.Н.Федотов, единэй сакаасчыгы кытта улэлэьэр сулууспа дириэктэрэ А.К.Иванова, Тааттыныскай нэьилиэк баьылыга Е.И.Павлов, о5о саадын сэбиэдиссэйэ Г.П.Готовцева, биирдиилээн дьон да сеп буола-буола кэлэн билсэн, кэпсэтэн баралларын, салалта, олохтоохтор да интэриэстэрэ улаханын бэлиэтээн эттэ. Алтыьар тэрилтэлэрбит салгыы бары тэннэ улэлээтэхтэринэ, уп-харчы хамсааьына, матырыйаалларынан хааччыллыы харгыьа суох буолла5ына Ытык Куелгэ сана, аныгылыы ирдэбиллэргэ толору эппиэттиир таас дьиэлээх о5о саада бу сыл ахсынньытыгар баар буоларыгар бигэ эрэллээхпит.
В.ВИНОКУРОВ.
